من اختيار ورثتها .. عمرو مصطفى يتحدّى ويطرح أغنية بصوت أم كلثوم
التاج الإخباري – كشف الفنان عمرو مصطفى في تصريحات إعلامية عن تصالحه مع أسرة "كوكب الشرق" أم كلثوم، مؤكداً أنه سوف يطرح أغنية بتقنية الذكاء الاصطناعي بصوتها ومن اختيار الورثة أنفسهم.
وقال عمرو: "أنا شايف إن ورثة كل العظماء اللي توفّوا جاتلهم الفرصة أن يحيوا ذكراهم بأغنية جديدة، الورثة نفسهم ممكن يختاروها وكمان الجمهور، وأنا بعتبر مي فاروق من أهم الأصوات المصرية".
وأكد أنه سيعيد الفن الى الفنانين مرة أخرى بدلاً من سيطرة المنتجين عليه، قائلاً: "دلوقتي اللي مسؤول عن الفن المنتجين، ولكن زمان اللي كان مسؤول عن الفن هو الفنان زي عبد الحليم حافظ ومحمد عبد الوهاب الله يرحمهم، ودلوقتي لما الفن راح للتجار اتدمر، ولازم الفن يرجع تاني للفنانين وأنا اللي هرجّعه".
وأوضح عمرو مصطفى أنه سيُصدر أغنية "أفتكرلك إيه" بصوت "كوكب الشرق"، قائلاً: "أغنية "أفتكرلك إيه" هتنزل كاملة بصوت أم كلثوم بعد ما اتصالحت مع الورثة، وإحنا سايبين الجمهور يحكم، وهاخد كل كلام الجمهور وهروح بيه لأسرة أم كلثوم وأقولهم ده حكم الجمهور لو تمام هتنزل الأغنية".
وأشار عمرو مصطفى إلى أنه ليس ضد أغاني المهرجانات، مؤكداً: "أنا منتقدتش مطربي المهرجانات، هما اللي أخدوا ألحاني، وإحنا ضد الفساد اللي بيقدموه داخل المهرجانات ومش ضد المهرجانات".
