ثقافة وفن

ميرنا وليد: زوجي ليس مليارديراً وثروته الحقيقية في “مشاعره”

التاج الإخباري – كشفت الفنانة ميرنا وليد حقيقة الشائعات المنتشرة حول ابتعادها عن الوسط الفني بسبب زواجها من ملياردير، وردت على أنباء انشغالها بمشروع تجاري طوال الأعوام الماضية، كما تحدثت عن السبب الحقيقي وراء رفضها الخضوع لجراحة تجميل.

وقالت ميرنا وليد خلال حوارها مع الإعلامية ياسمين عز لبرنامج "كلام الناس": "أنا يمكن اتجوزت واحد ملياردير بمشاعره، وده حقيقي، لكن مش فلوس، وفي الآخر أنا زوجي موظف في شركة طيران، ومعندوش شغل خاص ولا رجل أعمال وهو إنسان طبيعي جداً".

وأضافت: "معنديش شغل تاني نهائي، وبكون محتاجة مصاريف كتير في حياتي، لكن عندي الشجاعة، ودي إرادة من ربنا إن لو عمل لم أعجب به لا أتعاقد عليه، لأن الفلوس في الآخر بتتصرف، لكن أنا بحب العمل لا المال، وحدث معي موقف من قبل عند تعاقدي على عمل تجاري، ومقدرتش أنام وكنت عايزة أتصل بالمنتج الفجر بس خُفت، ومنمتش وانتظرت للصبح واتصلت به واعتذرت عن العمل".

وتحدثت ميرنا وليد عن صعوبة قرار الزواج، واعتبرته أصعب عقد توقع عليه المرأة وقالت": أنا دايماً بشوف أن أصعب عقد ممكن تكتبيه في حياتك عقد جوازك، لأسباب كثيرة جداً، لأنك فجأة بتقرري أن راجل دوناً عن كل رجالة العالم هيبقى شريك حياتك ومعاكي في تفاصيل حياتك كلها، في مشاكلك في حزنك، في زعلك، في نجاحك، في كل حاجة، دي حاجة صعبة أوي، لما جيت أمضي عقد الجواز كنت مستصعبة الدنيا جداً".

 

وتابعت: "جوزي كان عارف عني القصة دي، ولما قالي نتجوز قولت له طيب، بس قالي بصي لو قولتي آه، هنكتب الكتاب بكرة، والفرح برحتك، وقعد معايا يكلمني طول الليل، لغاية مكتبنا الكتاب الصبح.

وكشفت ميرنا سبب ابتعادها عن الظهور الفني خلال الـ11 عاماً الماضية، موضحة: "أنها لا تملك نشاطاً تجارياً شغلها عن العمل الفني كما يروج البعض، وقالت: "بعد الزواج بشهر واحد كنت حامل في بنتي، وكنت بعمل مسلسل متخافوش مع الأستاذ الراحل نور الشريف، وكنت أجسد دور السكرتيرة الخاصة به، وبعد ذلك قاموا بإلغاء نصف الدور، قولتهم يا جماعة أنا حامل وفي مشاهد ليّا لازم أصورها قبل ما يبان إني حامل.

وأضافت:"ولكن لظروف ما ديكور مشاهدي اتأخر، وبعد تجهيزه بفترة كنت مفروض بجسد دور مخطوبة، وكانت بطني كبيرة، وأستاذ نور الشريف كان يدخل أول ما أقوم أقف يقول أقعدي ولا تقفي، وكان مفروض في فترة بسافر وبعمل شغل استخبارات وبجيب معلومات من بره ولكن كل ده اتشال بسبب حملي".

واختتمت: "وبعد حملي في مريم، حملت تاني، وقولت مش هعمل كده تاني إني أحمل بالسرعة دي عشان شغلي، ولكن في فترة حملي في بنتي الثانية "مايا" الثورة قامت وكل حاجة وقفت".

تحدثت ميرنا وليد عن رأيها في عمليات التجميل للفنانات،وقالت: "إنها خضعت لجراحة واحدة فقط لأنها تخاف"، وتابعت قائلة: "أنا جبانة بس مش ضد عمليات التجميل، ومرة واحدة رُحت عملت بوتكس عشان خط صغير في مناخيري وضايقني جداً إني عملت كدة، بس أنا جبانة وبخاف من الإبرة وبخاف على وشي".

وأضافت: "بخاف حاجة تبوظ في وشي، كنت بقول الدكتور أعمل أي تمارين لو هعمل حاجة بس عملية لا، وأنا ممثلة مينفعش وشي يكون في حاجة بسبب إني لازم أعبر بتعابير كتير بوشي، ولو مذيعه أو مغنية ممكن أعمل كده، لكن الممثل مينفعش".

وعن رأيها في عمليات التجميل للجسم "نحت الجسم": "شُفت حوادث كتير وفي ناس بتنجح معاهم وأنا بخاف جداً، أخاف من الناس اللي حصل فيهم حاجة، ولازم منعرضش نفسنا لخطر".

مقالات ذات صلة

زر الذهاب إلى الأعلى