معاذ العمري وديانا كرزون : الله لا يحرمنا من محبة الناس ووقفة الاصدقاء
التاج الاخباري – نشر الاعلامي معاذ العمري وزوجته الفنانة ديانا كرزون منشورا على صفحتهم على الفيس بوك يشكران فيهم المتابعين والاصدقاء والاحبة على فرحتهم التي وصلت اليهم عبر التهاني والتعليقات والرسائل فرحين بهذا الحب :
وتاليا ما نشره معاذ العمري :
(الحمدلله الذي بنعمته تتم الصالحات) دائماً بكل المناسبات وبكل المواقف اللي بتحتاج وقفة من الناس بلاقي حوالي ناس ما في منهم ومهما حكيت عنهم ما بقدر أوفيهم حقهم بالكلام.. هاي الناس عطول معي وبظهري عالحلوة والمرة ودائماً واقفينلي وقفة الأب لإبنه والأخ لأخوه وبكل مره بغمروني بمواقفهم وبوجودهم معي.. هاي الناس ما بتستنى مني أطلب منهم يكونوا موجودين و واقفين معي.. بلاقيهم قدامي مجرد ما يسمعوا أنه أنا ممكن أكون بحاجتهم وبعملوا بكل قوتهم أنهم يكونوا جنبي وبدون ما يتعتبوا علي أو يستنوا مني دعوة أو طلب أنهم يكونوا موجودين.. هاي الناس بكبر فيهم وبمحبتهم وبدعمهم الي بكل الظروف.. هظول هم اللي بعطوني الطاقة والقوة والهمة والمعنوية وكل شيئ حلو❤️ والدي الطيب و والدتي الغالية وإخواني السند والعزوة وأبناء العم والعمومة.. إخواني وأصحابي.. محمد المصري (أبو قاسم) المهندس عبود المصري، نضال الفراعنة، نضال الخزاعلة، جهاد أبو بيدر، جمال فخيدة، سامر الخطيب، صهيب الشايب، شيماء السيد، لانا السيد، ديما علم فراج، ابراهيم حمدان، معتصم المصري، أحمد الجمزاوي، معاذ الشايب، نبيل الغنانيم العبادي، تاج زوربا، عدي حجازي، أحمد سرور، عمر زوربا، ناصر شحادة أبو عبدالله، عمر أبو خلف، عمر العزام، سند أبو السندس، غيث الهواري..بعتذر إذا نسيت حدا? ومليون شكراً لكل الناس اللي باركتلنا وبعتذر من الناس اللي ما قدر أرد على رسائلهم أو اتصالاتهم بسبب الحجم الكبير من الرسائل والاتصالات وربنا يديم عليكم الأفراح جميعاً ويديم عليكم المحبة والهدوء وراحة البال❤️
فيما نشرت ديانا كرزون منشورا تشكر الناس على فرحتهم التي شعرت بها وتاليا ما نشرت :”,فرحتي فيكم كبيره فرحتي انو الله اعطاني عائله حلوه وحنونه وسند متلكم أمي وتاج راسي ونفسي بهالدنيي اخوي وخواتي اصحابي يلي بجد يلي بحسو فيني حتى لو بعاد عني كل الناس يلي بتحبني من بعيد وبتتمنالي كل الخير وانا عمري ما شفتها فرحتكم شفتها وحسيتها بمسجاتكم الحلوه يلي كملت فرحتي الله لا يحرمني من دعواتكم ولا من محبتكم ♥️ #ديانا_كرزون
