أمير كرارة يختار خمس نجمات جميلات لمشاركته أول عمل رومانسي
التاج الإخبار – نفى النجم أمير كرارة تعمده الابتعاد عن تجسيد الأدوار الرومانسية في أعماله الفنية، وتخصصه في تقديم أفلام الحركة والمعارك، مؤكدا أنه لا تعرض عليه أفلام أو مسلسلات رومانسية بجودة مناسبة، وأشار إلى أنه يتمنى تجسيد هذه النوعية من الأدوار أمام النجمات منة شلبي ومنى زكي وهند صبري ونادين نجيم وسيرين عبد النور.
أضاف أمير كرارة في حواره مع المطرب نبيل شعيل لبرنامج "مع بو شعيل": مفيش ورق رومانسي جالي كويس، ولسه عندي كتير في التمثيل مطلعش، ومستني الدور المناسب حتى أشارك في عمل رومانسي.
ورفض كرارة اقتصار اختياراته على النجمة التي يتمنى العمل معها على فنانة واحدة، وقال: لازم الفنانة اللي أشارك معها تبقى ممثلة بمعنى الكلمة، وفي كتير نفسي أشتغل معاهم، ومشتغلتش معاهم قبل كده، لو شاركت في عمل رومانسي أحب إني أشتغل مع منى زكي ومنة شلبي وهند صبري، ونادين نجيم، وسيرين عبدالنور.
وتحدث أمير كرارة، عن تفاصيل علاقته بنجله سليم، مشيرًا إلى أنه مرتبط به وينتظره يوميًا حتى يعود من العمل.
وقال أمير كرارة: ابني مرتبط بيا وكنت بخبي عليه إني مسافر عشان ميزعلش، وفي مرة سافرت بلغاريا وقولتله هسافر 3 أيام بس، ورجعلته بعد 11 يوما، وبيقعد مستنيني كل يوم.
وواصل كرارة: أنا بربي سليم على المسئولية وإنه يعتمد على نفسه، وباخده معايا اللوكيشن وبخليه يشتغل مع الناس وبيقبض من الإنتاج علشان يعرف إن أبوه والممثلين مش بيلعبوا.
