ثقافة وفن

المصري تدعو المواطنين الى الإلتزام بالكامات في ظل تزايد إصابات كورونا

التاج الإخباري – نصحت سيدة الأعمال الأردنية علا العواملة المصري، عبر منصات التواصل الاجتماعي “فيسبوك” الأفراد في ظل تزايد اعداد الإصابات بفيروس كورونا الإلتزام بمعاير السلامة العامة و الإجراءات الوقائية والكمامات.

وقالت في منشور عبر صحفتها على “فيسبوك”، ” في هالظروف الصعبه الي منمر فيها وفي ظل ارتفاع اعداد المصابين بكورونا:
الي بجد بحبك ما بعزمك على مكان عام او حتى خاص جمعه او حفله
ما بزعل اذا ما رحت عزيته او حضرت الدفن او زرته بمستشفى
ما بحضنك وبقبلك وبسلم عليك باليد وبقعد بعيد عنك شبر
ما بخبي انه معه كورونا وبنفي على العكس بعلن وبخبر الكل
ما بنزل الكمامه وهو بحكي معك
ما بحاول يقنعك انه الكورونا مؤامره وحكي فاضي وبقلك بلاش تسجل للتطعيم
ما بلف البلد وبعدين بمر عند والديه وجدوده لانه اشتاقلهم وبدو يشوف اذا بحاجة شي
ما بتبجح انه فئة دمه تحميه من الفيروسات وبتصرف على هالاساس
الي بحبك بحميك وبحمي عيلته واصدقائه ومجتمعه وبكون عاقل ومسؤول
الي بحبك بدير باله على حاله مشانك وما بخاطر وبتفهم وبعذر وبيجي على حاله وبتنازل عن بعض الاجتماعيات ومتع الحياه
الي بحبك برضى يتجوز ويتخرج ويخطب بدون حفل ومظاهر
الي بحبك والواعي ما بطلع لانه ضاج وزهق بعد ما ثبت اصابته او بحجة الرياضه او شراء اغراض
الي بحبك ما بحدد مدة الحجر على خاطره ( خمس ايام بكفي)
الي بحبك بحافظ على نظافته ويواظب على تعقيم نفسه بيته سيارته مكتبه هاتفه وكل ما يلمس
الي بحبك ما بلم خمسه بسياره وبطلع يفطر حمص وفول يوم الجمعه او بياخدهم رحله يغيروا جو
العاقل لا يؤذي نفسه ولا الاخرين”.

مقالات ذات صلة

زر الذهاب إلى الأعلى